Akureyrarferð á Þrek og tár.

Farið var frá N1 á Sauðárkróki kl. 16:00 og frá Varmahlíð kl. 16:30 þann  17. febrúar 2024.

Tónleikarnir byrjuðu kl. 20:30.  Fyrir þá áttum við pantaðan mat á veitingarstaðnum Vitanum um kl. 18:00.  Þar fengum við mjög góðan mat, lambakjöt og kjúkling ásamt góðu meðlæti og svo kaffi.  Kl. 20:00 vorum við komin upp í Hof en tónleikarnir voru þar í sal sem Hamar heitir, sungin voru lög sem flutt voru af Erlu Þorsteins og Hauki Morteins hér áður fyrr.  Undirleik önnuðust flottir strákar og sungin af góðum söngvurum.  Hulda Jónasar var með þetta á sínum snærum og gaf okkur afslátt af miðum en við vorum 43 í ferðinni.

Þá var komið að heimferð rúmlega kl. 11:00 um kvöldið og hún byrjaði bara vel að vísu var töluverð hálka, en þegar við komum í Blönduhlíðina var bara glæra og rútan lenti þversum á veginum, sem betur fór höfðum við góðan bílstjóra.  Hann pantaði strax sanddreifingartæki sem við þurftum að bíða töluvert eftir, en það dreifði síðan sandi alla leið út á Krók.  Þangað vorum við komin um þrjúleitið um nóttina heil eftir annars góða ferð.

Gísli Rúnar Jónsson var bílstjóri, það bjargaði ábyggilega miklu.

Kristín B. Sveinsdóttir

FÉLAG ELDRI BORGARA Í SKAGAFIRÐI       

Samkomur eldri borgara til vors 2024 í Húsi frítímans.

Janúar:  Kl. 13 – 16
11. fimmtudagur – spil, t.d. bridge/vist/lomber
15. mánudagur – bingó
18. fimmtudagur – spil, t.d. bridge/vist/lomber
22. mánudagur – félagsvist
25. fimmtudagur – spil, t.d. bridge/vist/lomber
29. mánudagur – bingó

Febrúar:  Kl. 13 – 16
1.   fimmtudagur – spil, t.d. bridge/vist/lomber
5.   mánudagur – félagsvist
8.  fimmtudagur – spil, t.d. bridge/vist/lomber
12. mánudagur – bingó
      Söngstund í kaffinu kl. 15-16
15.  fimmtudagur – spil, t.d. bridge/vist/lomber
19.  mánudagur – félagsvist
22. fimmtudagur – spil, t.d. bridge/vist/lomber
26. mánudagur – bingó
29. fimmtudagur – spil, t.d. bridge/vist/lomber

Mars:  Kl. 13 – 16
4.   mánudagur – félagsvist
7.   fimmtudagur – spil, t.d. bridge/vist/lomber
11.  mánudagur – bingó
      Söngstund í kaffinu kl. 15-16
14. fimmtudagur – Aðalfundur – spil
18. mánudagur – félagsvist
21. fimmtudagur – spil, t.d. bridge/vist/lomber
25. mánudagur – bingó

Apríl:  Kl.  13 – 16

4.  fimmtudagur – spil, t.d. bridge/vist/lomber
8.  mánudagur – bingó
      Söngstund í kaffinu kl. 15-16
11. fimmtudagur – spil, t.d. bridge/vist/lomber
15. mánudagur – félagsvist
18  fimmtudagur – spil, t.d. bridge/vist/lomber
22. mánudagur – bingó
29. mánudagur – félagsvist

Maí: Kl. 13 – 16
2.   fimmtudagur – spil, t.d. bridge/vist/lomber
6.   mánudagur –bingó
13. mánudagur – félagsvist
16. fimmtudagur – spil, t.d. bridge/vist/lomber

Handavinna og föndur:  Miðvikudaga í Húsi frítímans  kl. 12.00 – 16.00.  Jóna og Petra taka vel á móti ykkur.  Hefst 17. janúar.

Leikfimi:  Mánudaga og miðvikudaga í Húsi frítímans kl. 10.00 – 11.00.  Guðrún Helga þjálfar.  Skráið ykkur hjá Ástu  R. í síma 862-6167.

Boccia:  Þriðjudaga og fimmtudaga í Húsi frítímans kl. 10.00 – 12.00.  Upplýsingar hjá Svanborgu í síma 849-0558 eða Pétri í síma 896-3693.

Pílukast:  Þriðjudaga í Húsi frítímans kl. 10.00 – 12.00.

Jóga:  Föstudaga í Húsi frítímans kl. 10.00 – 11.00. Sigríður H. Sveinsdóttir stýrir jóga fyrir 60+. Skráið ykkur hjá Ingunni í síma 863-5245 eða Sigríði í síma 846-7075.

Spjaldtölvu- og snjallsímaleiðsögn: Í Húsi frítímans.  Skráning hjá Steinunni í síma 898-6632.

Samvera á Löngumýri:  Hefst kl. 13:30 dagana 9. og 23. janúar, 6. og 20. febrúar, 5. og 19. mars, 2. 16. og 30. apríl.  Samvera með spilum, handavinnu og spjalli.  Verið velkomin.  Sigga, Sara og Erna.

Leshópur:  Miðvikudaga á Bókasafninu kl. 10.30 – 11.30.

Ganga á íþróttavellinum:  Alla daga frá kl. 08:00 – 11:30.  Gengið frá Vallarhúsinu.

Íþróttahúsið:  Á fimmtudögum kl. 12.00 – 13.00.  Frjáls tími eftir áhuga og getu.  Áhugasamir hafi samband við Ástu R. í síma 862-6167.  Einnig geta eldri borgarar gengið hringinn uppi í Íþróttahúsinu mánudaga til fimmtudaga kl. 11.20 -12.00.

Kórinn:  Æfingar í Ljósheimum á þriðjudögum kl. 14:30 – 16.30.  Nýir félagar velkomnir.  Upplýsingar veita Ragnheiður í síma 868-1875 og Ásta R. í síma 862-6167.  Hefst 16. janúar.

Skákæfingar:  Eldri borgarar eru boðnir velkomnir á skákæfingar hjá Skákfélaginu í Safnaðarheimilinu á miðvikudögum kl. 20.00.  Einnig er hægt að tefla í Húsi frítímans á spiladögum.

Bridge:  Á spiladögum á fimmtudögum.  Einnig er hægt að spila bridge í föndurtímanum í Húsi frítímans á miðvikudögum kl. 12:00 – 16:00.

Útskurður:  Höfum aðgang að aðstöðu í Árskóla (smíðastofu) þriðjudaga kl. 16.00 – 18.00.  Uppl. hjá Ástu R. í síma 862-6167.

Dans:  Steinunn Arnljótsdóttir verður í Ljósheimum á þriðjudögum kl. 20.00 – 21.00 með línudans. Áhugasamir hafi samband við Steinunni í síma 846-9014.

Golf:  Eldri borgarar eru boðnir velkomnir til að pútta í húsi Golfklúbbs Sauðárkróks, Borgarflöt 2,  Sauðárkróki, miðvikudaga kl. 10.30 – 12.00.   Hefst 17. janúar.  Uppl. hjá Pétri í síma 896-3693.

Heimavist FNV:  Hádegishlaðborð virka daga,  kr. 2.200,-

Mörg fyrirtæki á Sauðárkróki og í Skagafirði veita félögum í FEBS afslátt af veitingum, vörum og þjónustu.  Upplýsingar eru í afsláttarbók LEB og í appinu „Spara“.  Munið að spyrja um afsláttinn og sýnið félagsskírteini FEBS.

FabLab: Bendum á að FabLab er með opna tíma fyrir alla á miðvikudögum kl. 14:00 – 19:00.

Öldrunarþjónusta Skagafjarðar:  Upplýsingar veitir Stefanía Sif Traustadóttir í síma 455-6000.

Minnum á heimasíðuna okkar:  febskagafirdi.is og Facebook síðu félagsins:  Félag eldri borgara í Skagafirði.
ATH: Bílastæði eru einnig bak við Hús frítímans – þá er ekið inn á planið sjávarmegin.  Allir eldri borgarar eru velkomnir í Hús frítímans. Geymið auglýsinguna!! 😊       Vor 2024

Hér má sjá dagskrána okkar til áramóta 2023

Félag eldri borgara í Skagafirði.
Samkomur eldri borgara til áramóta 2023
í Húsi frítímans –  hefjast kl. 13.00

September:  Kl. 13:00 – 16:00
14. fimmtudagur – spil
18. mánudagur – félagsvist
21. fimmtudagur – spil – Haustferð
25. mánudagur – bingó
28. fimmtudagur – spil

Október:  Kl. 13:00 – 16:00
2.  mánudagur – félagsvist
5.  fimmtudagur – spil
9.  mánudagur – bingó
     söngstund í kaffinu kl. 15:00 – 16:00
12. fimmtudagur – spil
16. mánudagur – félagsvist
19. fimmtudagur – Haustfundur – spil
23. mánudagur – bingó
26. fimmtudagur – spil
30. mánudagur –félagsvist

Nóvember:  Kl.  13:00 – 16:00
2.  fimmtudagur – spil
6.  mánudagur – bingó
     söngstund í kaffinu kl. 15:00 – 16:00
9.  fimmtudagur – spil
13. mánudagur – félagsvist
16. fimmtudagur – spil
20. mánudagur – bingó
23. fimmtudagur – spil
27. mánudagur – félagsvist
30. fimmtudagur – spil

Desember:  Kl.  13:00 – 16:00
4. mánudagur – bingó
7. fimmtudagur – spil
11. mánudagur – Jólafundur
14. fimmtudagur – félagsvist

Annað:

Handavinna og föndur:  Miðvikudaga í Húsi frítímans  kl. 12:00 – 16:00.  Jóna og Helga taka vel á móti ykkur.  Hefst 27. september.

Leikfimi:  Þriðjudaga og fimmtudaga í Húsi frítímans kl. 08:30 – 09:30.  Guðrún Helga þjálfar.    Upplýsingar hjá Ástu  R. í síma 862-6167.

Boccia:  Þriðjudaga og fimmtudaga í Húsi frítímans kl. 10:00 – 12:00.  Upplýsingar hjá Svanborgu  í síma 849-0558 eða Pétri í síma 896-3693.

Pílukast:  Þriðjudaga í Húsi frítímans kl. 10:00 – 12:00.

Jóga:  Föstudaga í Húsi frítímans kl. 10:00 – 11:00. Sigríður H. Sveinsdóttir stýrir jóga fyrir 60+. Hefst  22. september.   Upplýsingar hjá Ingunni í síma 863-5245 eða Sigríði í síma 846-7075.

Spjaldtölvu- og snjallsímaleiðsögn: Í Húsi frítímans.  Upplýsingar hjá Steinunni í síma 898-6632.

Samvera á Löngumýri:  Hefst kl. 13:30  dagana 12. og 26. september, 10. og 24. október, 7. og 21. nóvember og svo litlu jólin 5. desember.  Sjá auglýsingu í Sjónhorninu 33. tbl.

Leshópur:  Miðvikudaga á Bókasafninu kl. 10:30 – 11:30.

Ganga á íþróttavellinum:  Alla daga frá kl. 08:00 – 11:30.  Gengið frá Vallarhúsinu.

Íþróttahúsið:  Á fimmtudögum kl. 12:00 – 13:00.  Frjáls tími eftir áhuga og getu.  Áhugasamir hafi samband við Ástu R. í síma 862-6167.  Einnig er eldri borgurum heimilt að ganga hringinn uppi í Íþróttahúsinu mánudaga til fimmtudaga kl. 11:20 -12:00.

Kórinn:  Æfingar í Ljósheimum á þriðjudögum kl. 14:30 – 16:30.  Nýir félagar velkomnir.  Upplýsingar veita Ragnheiður í síma 868-1875, Ásta R. í síma 862-6167 og Þórey í síma 895-8078.
Hefst 20. september.

Skákæfingar:  Eldri borgarar eru boðnir velkomnir á skákæfingar hjá Skákfélaginu í Safnaðarheimilinu á miðvikudögum kl. 20:00

Tréútskurður:  Höfum aðstöðu í  Árskóla (smíðastofu) þriðjudaga kl. 16:00 – 18:00.  Áhugasamir hafi samband við Ástu R. í síma 862-6167.

Dans:  Steinunn Arnljótsdóttir verður í Ljósheimum á þriðjudögum kl. 20:00 – 21:00 með línudans.  Áhugasamir hafi samband við Steinunni í síma 846-9014.

Golf:  Eldri borgarar eru boðnir velkomnir til að pútta í húsi Golfklúbbs Sauðárkróks, Borgarflöt 2, Sauðárkróki, mánudaga og miðvikudaga kl. 10:30 – 12:00.  Hefst 2. október.  Upplýsingar hjá Snæbirni (Krumma) í síma 848-8327.

 Mötuneyti FNV:  Hádegishlaðborð virka daga,  kr. 2.200,-

Mörg fyrirtæki á Sauðárkróki og í Skagafirði veita félögum í FEBS afslátt af veitingum, vörum og þjónustu.  Upplýsingar eru í afsláttarbók LEB og í appinu „Spara“.  Munið að spyrja um afsláttinn og sýnið félagsskírteini FEBS.

Öldrunarþjónusta Skagafjarðar:  Upplýsingar veitir Stefanía Sif Traustadóttir í síma 455-6000.

Minnum á heimasíðuna okkar:  febskagafirdi.is og Facebook síðu félagsins:  Félag eldri borgara í Skagafirði.

ATH: Bílastæði eru einnig bak við Hús frítímans – þá er ekið inn á planið sjávarmegin.
*Allir eldri borgarar eru velkomnir í Hús frítímans.

                                  ,,LITLU  STRANDIR“ Í DALABYGGÐ

KYNNIS- OG SKEMMTIFERÐ Á VEGUM FÉLAGS ELDRI BORGARA Í SKAGAFIRÐI

Árið 2022 mánudaginn 19. september klukkan 9 að morgni lögðum við af stað frá N einum á Sauðárkróki. Áð var í Varmahlíð klukkan 9:30. 55 félagar höfðu skráð sig í ferðina, þrír hættu við, þannig að  52 voru með í för. Farkosturinn var að venju frá Suðurleiðum, en Haraldur Þór Leifsson ættaður úr Vesturdal hélt um stjórnvölinn – alveg fyrirtaks bílstjóri. Tafið var bæði á Blönduósi og í Staðarskála í stutta stund á báðum stöðum. Síðan var haldið yfir Laxárdalsheiði. Og nú átti leikinn leiðsögukona okkar Jóhanna Bjarney Einarsdóttir á Skúfstöðum í Hjaltadal; en sú er frá Rauðbarðaholti í Hvammssveit. Fræddi hún okkur um hvað eina, er fyrir augu bar í þessari ferð. Það er alveg ómetanlegt að hafa staðkunnugt leiðsögufólk í svona ferðum. Þegar niður í Búðardal kom, leiðsagði hún okkur að Leifsbúð, þar sem biðu okkar ýmiss konar súpur: Kjötsúpa, gullasúpa og kjúklingasúpa. Þeir sem vildu gátu skoðað safn á efri hæðinni um ferðir Leifs heppna til Vesturheims. Næst var haldið inn Hvammssveit og út Fellsströnd og um Skarðsströnd. Ekki sást nógu vel út á Breiðafjarðareyjar vegna þokulofts og rigningar. Farið var að Ólafsdal við Gilsfjörð, þar sem fyrsti bændaskóli landsins starfaði. Þætti heldur afskekkt þar nú á dögum.  Næst var ekið  um sveitirnar  Saurbæ og Svínadal og aftur að þorpinu Búðardal, þar sem beið okkar kaffi í Leifsbúð, hjá Pálma. Ætlunin var að fara Bröttubrekku og Holtavörðuheiði heim, en vegna tímaskorts var Laxárdalsheiðin farin aftur. Kvöldmatur beið okkar á B og S á Blönduósi. Ágætis matur þar, en óþolandi að hafa bara þjóna, sem hvorki tala né skilja stakt orð í íslensku. Það finnst mér ekki fólki bjóðandi.

Hagyrðingarnir í hópinum voru frekar spakir. En hér koma þrjár stökur, er fóru á flot, eftir að Jóhanna lét Tópaspela ganga um rútuna.

Þó að Hanna Tópasbokku bjóði
ef biti mætti ná úr deigu járni,
hagyrðingar þegja þunnu hljóði
þreytulegir Benedikt og Árni.
Höf:  Engilráð Sigurðardóttir

Eflaust fer nú ögn að kárna
okkar ferðagrín.
Þið breytið nú ekki  Benna og Árna
í biluð fyllisvín.
Höf.: Benni á Vatnsskarði

Glöð við flökkum góða ferð.
Gaman er í Dölum.
Þó að rigning þétt að gerð
og þoka ylli kvölum.
Höf.: Árni Bjarnason

Ég vona, að allir hafi verið nokkuð ánægðir og hressir eftir þessa ferð. Til Varmahlíðar var komið klukkan 21:30
Þórey Helgadóttir ritari (sign.)

                       ,,MANSTU GAMLA DAGA, MARGOFT GERÐIST SAGA“

                           GAMLIR DÆGURLAGASMELLIR Í HOFI Á AKUREYRI

Árið 2022 sunnudaginn annan október var lagt upp í menningarreisu til Akureyrar. Ekið var frá N einum á Sauðárkróki klukkan 14 og frá Varmahlíð klukkan 14:30. Haraldur Þór Leifsson  frá Suðurleiðum var rútustjóri; og farþegar urðu 44 talsins. Ferðinni var heitið á söngskemmtunina ,,Manstu gamla daga,“ sem var haldin í tilefni 40 ára afmælis Eldri borgarafélags Akureyrar. Sýningin hófst klukkan 16. Þetta var alveg frábær skemmtun og tónlistarfólkið fór á kostum. Gaman var líka að sjá allar gömlu myndirnar, sem Gísli Sigurgeirsson hafði safnað. Eftir þessa tveggja og hálfs klukkustundar löngu samkomu var haldið á veitingastaðinn Vitann, þar sem eldri borgarar úr Skagafirði fengu mjög góðan mat. Um tvo rétti var að velja úr kjúklinga – eða lamakjöt ásamt meðlæti. Á eftir aðalréttunum var boðið upp á kaffi. Ekið var heim klukkan 20:30 og komið í Varmahlíð klukkan 21:30. Allir voru sælir í sinni eftir þennan mannfagnað.

Þórey Helgadóttir, ritari (sign.)

Vildi vekja athygli á eftirfarandi:

Í gær, mánudag 5. desember, var haldinn kynningarfundur um aðgerðaráætlun á þjónustu við eldra fólk. Fjölmargir mættu á kynninguna og eins voru margir sem fylgdust með á streymi.

Á vef stjórnarráðsins er að finna frekari upplýsingar ásamt upptöku af fundinum. Sjá nánar hér: https://www.stjornarradid.is/efst-a-baugi/frettir/stok-frett/2022/12/05/Gott-ad-eldast-adgerdaaaetlun-um-thjonustu-vid-eldra-folk/

Verkefnið hefur hlotið heitið Gott að eldast