Starfsemi í Húsi frítímans.
Góðir félagar, þá hefur Hús frítímans verið opnað aftur fyrir allri starfsemi. Förum samt varlega og gætum vel að öllum sóttvörnum.
Skemmtiferð í Borgarfjörð 3.-5. júní 2021
Ferðanefnd félags eldri borgara í Skagafirði auglýsir skemmtiferð í Borgarfjörð dagana 3. – 5. júní n. k. Áætlaður heildarkostnaður á mann er kr. 40.000. Innifalið í verðinu eru gisting í tvær nætur, tveir morgunverðir, tveir kvöldverðir og leiðsögn auk aksturs, sem greiddur er úr sameiginlegum sjóði. Ferðaglaðir ákveði sig sem allra fyrst eða í síðasta lagi fyrir föstudaginn 14. maí n.k. Hámarks fjöldi þátttakanda er 35 manns. Ferðin er háð því, að hún standist lög og reglugerðir um sóttvarnir. Þátttökugjald greiðist á reikning nr. 310 – 26 – 002105, kt. 5601983109 í Arion banka. Væntanlegir þátttakendur skrái sig hjá Kristínu Bjarneyju Sveinsdóttur í síma 8684443, Þóreyju Helgadóttur í 4538078, Símoni Traustasyni í 8932339 og Magnúsi Óskarssyni í 453 5368.
F.h. Ferðanefndar Magnús Óskarsson
Skagfirskir tónar frá Skagfirskum konum.
Engin starfsemi á sumardaginn fyrsta.
Rétt að benda á að sumardagurinn fyrsti er á næsta fimmtudag, 22. apríl 2021, og verður því engin starfsemi í Húsi frítímans þann dag.
Dagskrá í Húsi frítímans hefst aftur 19. apríl 2021.
Þar sem takmörkunum vegna Covit verður létt af um miðnættið þá verður dagskráin í Húsi frítímans sett aftur af stað og verður tekið í spil á morgun. Mætum hress og kát.